Nakambila Lukuta Loyi : Mama Loyi

Nakambila Lukuta Loyi: Uno ye mama ukatubuta. Abandu bingi bamumuhamagala Mama Loyi. Akabutirwa no kukulira Ibuvira, i Kasenga. Aliri mama mwija bwenene. Akakulira mw'Igambo lya Rurema. Akaba kyongozi we'kwaya kushagira akiliri munyere na'bunga na buno akitula amuyimbisa mu kanisa. Na kuzene akoli tula mwalimu mu kanisa ke Pentekote.

Mama Loyi akakula no'lugero lwe'mikolwa ya Rurema ululiri higulu. Amutula agatuyerekeza kw'akakula bwija mu kuzatira na mukusimabaha Igambo lya Rurema. Akakola ku kyanya kya ba Missionnaires. Mu yabo haliri Roger, na bandi bingi. Alitula wa ku kanisa bikanayami musigalamwo halinde zene. Ku zene, kera ashaja. Akola iwa myaka makumi galindatu, haliko uytangamenya, higulu akayami longa umwego ugumumuyemerera ukugenderera ukukolera Rurema. Akakulira mu kizungu haliko mukuyangwa kwage mwanabonekana ikindu ikitali kinovu ukusalirakohe ku zene. Akayangwa na baba Mukome Kabemba Léonard mu mwaka gwe 1982. Ubugeni bwabo bukabera mu kaya kitu ke Kahamba. Atakalola ukuba akashaga mu kizungu haliko akatula yeyomunda mu kaya akatalitazi genderera imbere higulu halinde zene ndago maendeleo mahamu bwenene agaziba mu kaya kitu ke Kahamba.

Biki ibikatuma agayiji yangwa mu kaya akatali mu kizungu?

Mu bindu ibili mukaya, kuli kueyerekena akubenge biki umundu mulebe akasima ukuyanga kandi li ukuyangwa na kirage. Ku yibyo yehe yenene yekasima ukuyangwa na baba kiri imitu yaliliri mu kishuka. Haliko kuguma na yibyo, Igambo lya Rurema limutuyerekeza kwo ndakyo ikilimuhikira umundu higulu lyo kuhika naho, haliko byooshi Rerema Ayiji ibitumiri. Kuyibyo nyehe nimuyama nimusimira mama ku byooshi akakolera baba kushagira ikyanya akayermere ukuyangwa na yehe halinde ikyanya baba akaluhuka. Tweshi twe'bana bage na bene witu boshi ngisi kwa'katulera tumutula tugamusira kubyakatukolera. Ubutudu bwage buyigirizanya bingi bwenene.

Tuganderera ukukizi yandika bingi igulu lya'babusi bitu.

Bidi bizunguza byage