Kahamba kandi li kaya ke Kahamba, kaliri kaya akaliri Ibufuliiru, mu Groupement ye' Runingu, Territoire ye Buvira(Uvira), mu Sud-Kivu mu RDCongo. Kana kaya kaliri mu Localité ya'Bafuliiru. Kataliri mu Territoire ye' Plaine de la Ruzizi kandi li mu Kiyaya kya Lushiiji.

Kana kaya katayijikini ku bindu bingi bweneene higulu kaliri kanini haliko ku balya abayiji ibindu ne'myazi ikalenga bamudeta kwo kana kaya ko kayiliri Groupement ikyanya batazibiika i Runingu. Kano kaya ku balya abatakayiji bangasalira kwo ndabyo kagweti kandi li ndabo bandu kagweti, haliko mu kano kaya mukashaga abandu abatali na banini. Mu yabo bandu twangadeta nga Kigundu. Uno abere aliri yishe wa Nyerere uwaliko Colonnel mu FARDC ikyanya akashaga mu kishuka. Na nyehe nye'ngweti ngakola ibindu bitali na binini higulu lye'Kifuliiru, kano kaya ko ngabutirwamwo. Ni mukasima bweneene, kali kaya akakambuta, ikondo lyani liliri lizike mu kano kaya.